Deialdiak

URBANBATfest jaialdiaren zortzigarren edizioak hiriari eta zainketei buruz hausnartzea proposatzen du Hiri-arkitekturak eta hiri-diseinuak baldintzatzen duen jarduera sorta handia hartzen dute barnean zainketek: atseden-beharra asetzea, osasuna zaintzea, intimitatea zaintzea, gozamena sentitzea, higienea, jolasa, afektuak… Jardunbide horiek eta beste batzuek hiriak osatzen dituzten bi egitura nagusiak mobilizatzen, zalantzan jartzen eta desafiatzen dituzte: etxeetako espazioa eta espazio publikoa, hiria etxea bailitzan jardutea eragiten duen –eta alderantziz– bategite adostailea ezarriz. Halaber, norbanakoaren gorputzarekiko arreta eta hiria (bir)naturalizatzeko beharra batzen dituzte.

Testuinguru horretan, bere programazioan parte hartzeko bi deialdi egin ditu jaialdiak: horietako baten helburua da hiri zaintzaileak eraikitzearen alde lanean diharduten proiektuak eta ekimenak aurkeztea eta harremanetan jartzea; beste deialdia, berriz, arte-diziplina eta arte-jardunbide ezberdinetatik, hirien eta zainketen arteko harremana lantzen duten arte-proiektuei zuzenduta dago.

2019/06/16 23:59 orduan amaitzen da bi deialdietarako aurkezpen-epea.